ENPLEGUA MANTENTZEKO LAGUNTZAK 10 LANGILE BAINO GUTXIAGOKO ENPRESENTZAT VITORIA-GASTEIZ 2020

10 langile baino gutxiagoko enpresetan enpleguari eusten laguntzea, Vitoria-Gasteizko udalerrian 2020an.

Enpresak (edozein forma juridiko dutela ere, ondasun-erkidegoak eta nortasun juridikorik gabeko sozietate zibilak barne) eta kontratatutako langileak dituzten pertsona autonomoak, honako baldintza hauek betetzen dituztenak:

• Jarduera ekonomikoa Gasteizko udalerrian dagoen lantoki batean egitea.
• Sozietatearen egoitza Gasteizko udalerrian izatea.
• Gehienez 10 pertsona kontratatuta izatea.
• Egiaztatu dezatela Covid-19aren eraginaren ondoriozko krisiaren eragina:
  • Martxoaren 17ko 465/2020 Errege Dekretuan dekretatutako establezimenduaren itxieragatik, martxoaren 14ko 463/2020 Errege Dekretuaren 10. artikulua aldatzen duena.
  • 2020ko apirilean fakturazioan gutxienez ehuneko 75eko murrizketa izan zelako 2019ko hileko batez besteko fakturazioarekin alderatuta.

Alarma-egoeran edo aldi baterako enplegu-erregulazioko egoeran dirulaguntza eskatu zuen enpresan galdu zuten pertsonei egindako kontratuengatiko laguntzak, bai eta aldi hartan aurreko lanaldia berreskuratu/handitzeagatiko laguntzak ere.

Diruz lagundu daitezkeen kontratuek alarma-egoera deklaratu zen edo ABEEa eskatu zen aurreko egunean zeuzkaten lan-baldintza berdinak edo hobetuak (soldata eta lanaldiaren ehunekoan) izan beharko dituzte. Gutxienez ehuneko 50eko lanaldia duten kontratuak baino ez dira diruz lagunduko.

Diruz lagundu ahal izango dira alarma-egoera amaitu edo enpresa ABEEtik irten eta hurrengo egunetik aurrera, eta alarma-egoera amaitu eta gehienez ere bi hilabetera egiten diren kontratazioak edo lanaldia berreskuratu edo handitzen dutenak.

2.000,00 euro lanaldi osoko kontratu bakoitzeko. Lanaldi partzialen kasuan, laguntza lanaldiaren proportzionala izango da.

Lanaldi partzialak berreskuratuz gero, laguntza lanaldiaren igoerarekiko proportzionala izango litzateke.

Diruz lagundu daitekeen gutxieneko lanaldia ehuneko 50ekoa izango litzateke. Gehienez 6.000,00 euroko laguntza ekonomikoa enpresa bakoitzeko

Eskaerak aurkezteko azken eguna 2020ko irailaren 11a izango da.

Balorazio-irizpideak	Puntuazioa
Kontratuen ezaugarriak Lanaldiaren ehuneko 100ean berreskuratutako kontratuagatik Gutxienez aurreko lanaldia baino ehuneko 50 gehiago hartzen duten kontratuengatik Kontratu mugagabea	50 puntu 20 puntu 30 puntu
Pertsonen ezaugarriak 55 urte baino gehiago Emakumea	30 puntu 10 puntu
Gehienezko puntuazioa	120 puntu

Kontsultatu hemen informazio guztia