GASTEIZEN 2020an ENPRESAK SORTZEN ETA FINKATZEN LAGUNTZEKO LAGUNTZAK
Laguntza ekonomiko horren bidez, Gasteizko Udalak enpresak sortzeko eta 5 urtetik beherako enpresak sendotzeko balio duten proiektu eta inbertsioetarako laguntzak eman nahi ditu.
2020an, Vitoria-Gasteiz udalerrian, enpresak sortzen eta finkatzen laguntzea.
- Egoitza soziala eta fiskala izatea eta diruz lagun daitezkeen jarduerak zuzenean Gasteizko udalerrian garatzea.
- Enpresaren jarduera nagusia EJZren epigrafe hauetan sartuta ez egotea:
- 64-67. Txikizkako merkataritza eta elikadura-zerbitzuak.
- 681. Hotel eta moteletako ostatu-zerbitzua.
- 682. Hotel eta pentsioetako ostatu-zerbitzua.
- 683. Ostatu-zerbitzua hotel-apartamentuetan, ostatu-zerbitzua fondetan eta ostatu-etxeetan.
- 684. Hoteletako eta apartamentuetako ostatu-zerbitzua.
- 691.1. Etxerako gai elektrikoak konpontzea.
- 691.9. NCOP kontsumoko beste ondasun batzuk konpontzea (beste inon sartzen ez direnak).
- 755. Bidaia-agentziak.
- 971.3. Arropak pasaratzea eta konpontzea.
- 972. Ile-apainketako eta edertasuneko zerbitzuak.
- Mikroenpresaren baldintzak betetzea (hamar soldatapeko baino gutxiago eta urteko negozio-bolumena edo balantze orokorra 2 milioi eurotik beherakoa).
- Aurreko enpresen izena edo forma juridikoa aldatze hutsetik sortutako enpresa berriak ez izatea (5 urte baino gehiagoko antzinatasuna dutenak).
- Eraketa- eta abiarazte-gastuak: erregistroa, sozietatea eratzeko eta estatutuak idazteko eskriturarako notariotza, bazkideen ituna, aholkularitza, jarduerarako udal-lizentzia lortzeko proiektu teknikoak, merkatu-azterketak eta proiektuaren bideragarritasuna.
- Komunikazio-gastuak: irudi korporatiboa, webgunea eta sare sozialak diseinatzea eta garatzea.
- Prototipoen diseinuarekin eta fabrikazioarekin lotutako gastuak, baita jabetza industriala eta izen komertzialak babesteko gastuak ere.
- Kalitatea kudeatzeko sistemak, ingurumen-kudeaketa, berdintasun-planak, energia-kudeaketa eta gizarte-erantzukizuna ezartzearen eta ziurtatzearen ondoriozko gastuak.
- Enpresa sortzeko eta sendotzeko beharrezkoak diren aktibo finkoko elementu berrietan egindako inbertsioak.
1. Aurkeztutako proiektuaren kalitate teknikoa: 30 puntu, gehienez.
2. Proiektuaren berrikuntza-maila eta enpresa-ahalmena: 30 puntu, gehienez.
3. Talde sustatzailea eta sortutako enplegua: 20 puntu, gehienez.
4. Diruz lagundu daitezkeen inbertsioak: 20 puntu, gehienez.
Aurkeztutako proiektu bat diruz laguntzeko modukoa izan dadin, gutxienez 50 puntu beharko dira, lehen adierazitako irizpide eta puntuazioetan oinarrituta.
Diruz lagunduko den gehieneko ehunekoa % 40 izango da, eta gutxienekoa % 20.
Enpresa eskatzailea laguntza honen onuradun izan daiteke aurreko deialdien babesean, baldin eta aurretik emandako laguntza osoaren zenbatekoa 15.000 eurotik gorakoa ez bada.